Atentat me armë zjarri në Elbasan/ Vritet me breshëri plumbash Madrit Ulqinaku teksa futej në makinë, autori 20-vjeçar në kërkim

Shqipëria

Atentat me armë zjarri në Elbasan/ Vritet me breshëri plumbash Madrit Ulqinaku teksa futej në makinë, autori 20-vjeçar në kërkim

Më: 17 gusht 2022 Në ora: 23:09
Foto nga vendi i ngjarjes

Një atentat me armë zjarri ka ndodhur mbrëmjen e sotme në Elbasan, ku ka mbetur pa jetë shtetasi Madrit Ulqinaku 25-vjeç.

Burime për Top Channel bëjnë me dije se Madrit Ulqinaku është qëlluar me armë zjarri nga 20-vjeçari me inicialet K.SH., sapo ka tentuar të hipte në makinën e tij.

Ai ka dalë nga lokali ku po konsumonte kafe, pranë stadiumit Elbasan Arena, ku është qëlluar dhe ka mbetur i vdekur në vend.

Policia bën me dije se ngjarja ka ndodhur pas një sherri për motive të dobëta, ndërsa po bëhet krehja e zonës për kapjen e autorit.

Njoftimi i Policisë:

Më datë 17.08.2022, rreth orës 21:50, në lagjen “Kongresi”, Elbasan, gjatë një konflikti për motive të dobëta midis disa të rinjve, dyshohet se shtetasi K.SH, rreth 20 vjeç, ka qëlluar me armë zjarri pistoletë dhe për pasojë ka humbur jetën shtetasi M. U., rreth 25 vjeç, banues në Elbasan.

Shërbimet e Policisë kanë shkuar menjëherë në vendngjarje, së bashku me grupin hetimor.

Është rrethuar zona dhe vijon krehja e saj për të bërë të mundur kapjen e autorit.

Grupi hetimor, nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat