Aksidenti me vdekje në Durrës, zbardhen rrethanat: 66-vjeçari humbi kontrollin e motorrit pasi u përplas nga makina

Shqipëria

Aksidenti me vdekje në Durrës, zbardhen rrethanat: 66-vjeçari humbi kontrollin e motorrit pasi u përplas nga makina

Më: 4 shkurt 2023 Në ora: 14:40
Foto ilustrim

Janë zbardhur rrethanat e aksidentit të djeshëm, ku ndërroi jetë një 66-vjeçar. Sipas bluve, ky i fundit pasi është përplasur nga një makinë, ka humbur kontrollin e motorrit.

Ndërkohë, drejtuesi i makinës, i cili është larguar menjëherë nga vendngjarja është arrestuar këtë të shtunë.

Njoftimi i policisë:

Zbardhen dhe dokumentohen ligjërisht, rrethanat e aksidentit rrugor të ndodhur mëngjesin e djeshëm, në fshatin Jubë, ku humbi jetën një 66-vjeçar.

Në vijim të informacionit të dhënë ditën e djeshme, sipas të cilit, në fshatin Jubë, shtetasi Q. T., 66 vjeç, humbi kontrollin mbi drejtimin e motomjetit që i doli nga rruga dhe për pasojë, 66-vjeçari humbi jetën, ju bëjmë me dije se:

Grupi hetimor ka iniciuar menjëherë veprimet proceduralo-hetimore, me qëllim përcaktimin e shkakut të aksidentit. Ka rezultuar se shkak për daljen nga rruga të motomjetit që drejtohej nga shtetasi Q. T., ka qenë përplasja nga automjeti me drejtues shtetasin A. Z., i cili është larguar menjëherë nga vendi i aksidentit.

Shërbimet e Policisë Rrugore të Durrësit, si rezultat i veprimeve të shpejta operacionale, kanë bërë të mundur lokalizimin dhe arrestimin e shtetasit A. Z., 64 vjeç, banues në Manzë, Durrës, për veprat penale “Shkelja e rregullave të qarkullimit” dhe “Largimi nga vendi i aksidentit”.

Materialet procedurale i kaluan Prokurorisë, për veprime të mëtejshme.

Sot mund të lexoni Shfletoni kopertinat