Mbërritja e Fortlumturisë së Tij, Kryepiskopit Joan, në Kostandinopojë

Shqipëria

Mbërritja e Fortlumturisë së Tij, Kryepiskopit Joan, në Kostandinopojë

Më: 13 qershor 2025 Në ora: 19:47
Mbërritja e Fortlumturisë së Tij, Kryepiskopit Joan, në Kostandinopojë

Ditën e premte, më 13 qershor 2025, në orën 15:00, Fortlumturia e Tij, Kryepiskopi i Tiranës, Durrësit dhe i gjithë Shqipërisë, Joani, mbërriti në Aeroportin Ndërkombëtar të Stambollit, i shoqëruar nga delegacioni zyrtar i Kishës Orthodhokse Autoqefale të Shqipërisë.

Në zonën VIP të aeroportit, Kryepiskopi Joan dhe delegacioni që e shoqëron u pritën me nderime nga Hirësia e Tij, Mitropoliti i Sillivrisë, z. Maksim dhe nga Nënsekretari i Sinodit të Hirshëm dhe të Shenjtë të Patriarkanës së Kostantinopojës, dhjakon Oikoumenios. Në pritje mori pjesë gjithashtu edhe Konsulli i Përgjithshëm i Republikës së Shqipërisë në Stamboll, z. Armand Shandro, duke shprehur vlerësimin dhe mbështetjen e përfaqësisë diplomatike shqiptare për këtë vizitë të rëndësishme kishtare.

Pas mbërritjes, delegacioni u zhvendos dhe u akomodua në hotelin “Grand Hyatt Istanbul”, ku do të vijojnë qëndrimin në kuadër të vizitës zyrtare.

Vizita e Kryepiskopit Joan në Patriarkanën Ekumenike të Kostandinopojës përbën një moment të rëndësishëm për marrëdhëniet ndërkishtare dhe për dialogun vëllazëror brenda Kishës Orthodhokse.

comment Për komente lëvizni më poshtë
Sot mund të lexoni Shfletoni kopertinat