Breshëria e kallashnikonëve e lëshuar në drejtim të Gilmando Danit dhe Muçi Shaljanit, kanë kaluar farë pranë qytetarëve, të cilët për 80 sekonda, e gjetën veten brenda një skene filmi të përgjakshme.
Nga videot e publikuara të atentatit të ndodhur pasditen e djeshme në rrethrrotullimin në afërsi të aeroportit të Rinasit, shihen qytetarët të cilët ia mbathin ‘nga sytë këmbët’ në momentin që dëgjojnë krismat e para.
Atentati është cilësuar si një ndër më të organizuarit dhe e ‘dorëzuar’ në duart e profesionistëve nga bandat e krimit.
Asnjë dëm nuk është shkaktuar, shënjestra ka qenë e qartë, Gilmando Dani dhe për të kryer punën deri në fund, njëri prej qitësve, është afruar dhe ka qëlluar nga afër.
E gjitha skena është shoqëruar me dëshmitarë ndërsa kamerat e sigurisë të bizneseve përrreth kanë arritur të filmojnë të gjithë ngjarjen.
