Strugë, punime ndërtimore në vendin ku u dogj kallami - Bota Sot
Strugë, punime ndërtimore në vendin ku u dogj kallami

Struga

Strugë, punime ndërtimore në vendin ku u dogj kallami

Më: 22 shkurt 2019 Në ora: 22:17
Strugë

Në afërsi të vendit ku javën e shkuar u ndez një pjesë e kallamit mes Strugës dhe fshatit Kalishtë, për çka informoi televizioni Alsat, zhvillohen punime ndërtimore. Për momentin vendoset betoni, tamponi dhe gardhi mbrojtës. Për momentin, nuk dihet nëse punimet që zhvillohen janë ligjore apo jo. Alsat tentoi të marrë qëndrim nga personat kompetent në komunën e Strugës, por deri më tani asnjë përgjigje.

Nga OJQ “Njësiti i skautëve” druajnë se pas rasteve me ndezjen e kallamit fshihen interesa ekonomike dhe ndërtimore.

“Me ardhjen e sezonit veror, kemi raste të shumtë ku ndizet dhe shkatërrohet kallami. Denoncimi i fundit nga ana jonë ishte në prill vitin e kaluar kur në të njëjtën mënyrë filloi të shkatërrohen rripi i kallamit dhe pas shkatërrimit u ndërtuan objekte”, tha Marjan Glavinçeski nga njësiti i skautëve “Kërse Jon” në Strugë.

Ka reaguar edhe Organizata Joqeveritare “Ohrid SOS”.

“Maksimalisht shfrytëzohet çdo moment, duke pasur parasysh paralajmërimin e Qeverisë se kompetencat e plazheve në Ohër dhe Strugë do të kalojnë nga nivel komunal në atë shtetërorë. Nuk dihet kush uzurpon e kush ndërton”, thonë nga Ohrid SOS.

Pasditen e sotme kryetari Ramiz Merko, për mediat në Strugë deklaroi se bëhet fjalë për pronë private. Sipas tij, është duke u rregulluar hapësira e lënë pas dore ndërsa për kallamin shprehet se është ndezur çdo kund që të mund të përpunohen sipërfaqet bujqësore.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...