Deputetja e VV-se, Fitore Pacolli, i ka reaguar koalicionit Qeverisës të cilët në Kuvend votuan kundër ndryshimit dhe plotësimit të Ligjit për zgjedhjet e përgjithshme.
Ajo në postimin e saj në Facebook, ka shkruar se në Kuvendin e Kosovës LDK , PDK, AAK dhe Lista e Vuçiqit u bënë bashkë kundër mërgatës.
“Tani mërgata duhet të organizohet e të bëjë presion mbi deputetët që votojnë kundër interesit të mërgatës e shtetit të Kosovës”, ka shkruar Pacolli në Facebook.
Postimi i plotë:
Edhe sot në Kuvendin e Kosovës LDK , PDK, AAK dhe Lista e Vuçiqit si gjithnjë u bënë bashkë kundër mërgatës. Ata votuan kundër ndryshimit dhe plotësimit të Ligjit për zgjedhjet e përgjithshme.
Votuan kundër ndryshimeve që do të mundësonin votimin e mërgatës në ambasada dhe Konsullata të Republikës së Kosovës.
Votimi i kësaj pike do të përsëritet përsëri në Kuvend. Tani mërgata duhet të organizohet e të bëjë presion mbi deputetët që votojnë kundër interesit të mërgatës e shtetit të Kosovës.
