Admirali kroat Hranj falënderon gjeneral Ramën për gatishmërinë e tij për ndihmë popullit kroat

Aktuale

Admirali kroat Hranj falënderon gjeneral Ramën për gatishmërinë e tij për ndihmë popullit kroat

Më: 30 dhjetor 2020 Në ora: 16:29
Ilustrim

Kroacia është goditur nga një tërmet me fuqi 6.2 ballë sipas shkallës së Rihterit, duke shkaktuar viktima dhe dëme të mëdha materiale.

Komandanti i FSK-së, gjenerallejtënant Rrahman Rama ka dresuar një letër homologut të tij, shefit të Shtabit të Përgjithshëm të Forcave të Armatosura të Kroacisë, admiralit Robert Hranj, ku shpreh vullnetin e gatishmërisë së plotë për dërgimin e njësive të specializuara për operacionet e kërkim-shpëtimit.

E pas kësaj ka ardhur përgjigja e admiralit Hranj, i cili ka falënderuar gjeneral Ramën për gatishmërinë e shprehur për të ndihmuar popullin kroat në këto ditë të vështira.

“Kam marrë letrën Tuaj dhe ne të gjithë jemi mirënjohës për mbështetjen vetëmohuese të ofruar nga Forca e Sigurisë së Kosovës. Forcat e Armatosura Kroate po ndihmojnë dhe mbështesin popullsinë lokale me aftësitë dhe burimet tona, dhe ne e vlerësojmë reagimin tuaj të menjëhershëm. Ne nuk do të hezitojmë të kërkojmë për ndihmë nga ekipet tuaja nëse është e nevojshme.

Edhe një herë, faleminderit Kosovë!”, thuhet në letër.

Ndryshe, tërmeti i djeshëm në Kroaci është pasuar edhe me një seri lëkundje të tjera të tokës edhe gjatë ditës së sotme.

Shfaq komentet
comments powered by Disqus
Sot mund të lexoni Shfletoni kopertinat