Limaj në shtëpinë e Krasniqit: Aspak e lehtë për të gjithë ne të diskutonim pa prezencën fizike të bacit Jakup

Aktuale

Limaj në shtëpinë e Krasniqit: Aspak e lehtë për të gjithë ne të diskutonim pa prezencën fizike të bacit Jakup

Më: 17 janar 2021 Në ora: 22:13
Limaj në shtëpinë e Krasniqit

Lideri i Nismës Socialdemokrate, Fatmir Limaj, sonte së bashku me sekretarin e përgjithshëm, Bilall Sherifi, sekretarin organizativ Enver Hoti dhe kandidatët për deputetë, Mehdi Thaçi dhe Avdyl Krasniqi, kanë qëndruar në shtëpinë e mikut të tij, njëherit kryetarit të Këshillit Kombëtar të Nismës Socialdemokrate, Jakup Krasniqit, për të biseduar me bashkëluftëtarë të Negrocit dhe struktura të Nismës në këtë fshat.

“Aspak e lehtë për të gjithë ne të diskutonim pa prezencën fizike të bacit Jakup, i cili padrejtësisht nuk është në vendlindjen e tij për të cilën dha kontribut mbi 50 vjet”, ka shkruar Limaj në faqen e tij zyrtare në Facebook.

Limaj gjithashtu, gjatë këtij bashkëbisedimi të hapur, ka kërkuar mobilizim për të mbështetur vizionin dhe projektin e tij në mbrojtje të vlerave kombëtare.

“NISMA Socialdemokrate për zgjedhjet e 14 shkurtit, ia ka ofruar Drenasit dhe Kosovës kandidatët më të mirë, me vlera të larta patriotike e njerëzore”, ka shkruar në fund të statusit të tij kreu i Nismës Socialdemokrate, Fatmir Limaj.

Shfaq komentet
comments powered by Disqus
Sot mund të lexoni Shfletoni kopertinat