Qeveria e re, ambasadori amerikan u kërkon këtë gjë PDK-së dhe AAK-së

Aktuale

Qeveria e re, ambasadori amerikan u kërkon këtë gjë PDK-së dhe AAK-së

Më: 18 mars 2021 Në ora: 18:31
Pamje nga takimit Kosnett-Haradinaj

Ambasadori i Shteteve të Bashkuara të Amerikës, Philip Kosnett, ka takuar kreun e AAK-se dhe atë të PDK-së, pas takimit me liderin e VV-së që kishte zhvilluar më herët të enjten.

Kosnett u ka kërkuar Ramush Haradinajt dhe Enver Hoxhajt që të jenë konstruktivë në opozitë dhe të punojnë bashkë me qeverinë.

Ai në Twitter ka ka shkruar se pozita dhe opozita duhet t’i vendosin nevojat e qytetarëve mbi ato partiake duke punuar bashkë.

“Kam takuar ndaras liderin e AAK-së, Ramush Haradinajn dhe liderin e PDK-së, Enver Hoxhajn. I inkurajova ata të veprojnë në mënyrë konstruktive në opozitë, duke punuar së bashku me qeverinë në qëllimet e përbashkëta dhe duke i vendosur nevojat e qytetarëve mbi ato partiake”, ka shkruar Kosnett.

Hoxhaj ka thënë të mërkurën se nuk do ta mbështesin kandidaturën e Vjosa Osmanit për presidente, teksa Haradinaj ende nuk ka shfaqur qëndrim të qartë të partisë për çështjen e presidentit.

Image
Shfaq komentet
comments powered by Disqus
Sot mund të lexoni Shfletoni kopertinat