Faton Klinaku: Tomë Gashi nesër do të shkojë në kompleksin e EULEX-it për t`i marrë pajisjet e OVL-UÇK-së

Aktuale

Faton Klinaku: Tomë Gashi nesër do të shkojë në kompleksin e EULEX-it për t`i marrë pajisjet e OVL-UÇK-së

Nga: A.M. Më: 23 mars 2021 Në ora: 15:38
Arrestimi i Hysni Gucatit nga pjesëtarët e EULEX-it.

Nesër Prokuroria Speciale në Hagë do t`i kthejë pajisjet të cilat i ka marrë ditë kur u arrestuan Hysni Gucati dhe Nasim Haradinaj.

Kështu ka njoftuar ushtruesi i detyrës së OVL-UÇK-së, Faton Klinaku përmes një postimi në Facebook.

Po ashtu, ai ka thënë se avokati i OVL të UÇK-së, Tomë Gashi do të shkojë në në zyrat e Prokurorisë Speciale të Hagës, që janë në kompleksin e EULEX-it në Fushë Kosovë, që t'i marrë pajisjet.

“Prokuroria Speciale në Hagë, duhet të jap sqarime se çfarë ka gjetur në pajisjet tona...?”, ka shkruar ai në Facebook.

Postimi i plotë:

Zyrtarët e Prokurorisë Speciale në Hagë, 6 muaj pas bastisjes në selinë qendrore të OVL UÇK-së në Prishtinë, më kanë njoftuar se nesër 24.03.2021 në ora 10:00, do t'i kthejnë pajisjet të cilat i kanë marrë me 25.09.2020, në të njëjtën ditë kur i arrestuan padrejtësisht kryetarin Hysni Gucati dhe nënkryetarin Nasim Haradinaj.

Ne kemi autorizuar avokatin e OVL të UÇK-së z.Tomë Gashi, i cili nesër, në kohën e lartshënuar, do të shkojë në zyrat e Prokurorisë Speciale të Hagës, që janë në kompleksin e EULEX-it në Fushë Kosovë, që t'i marrë pajisjet tona.

Prokuroria Speciale në Hagë, duhet të jap sqarime se çfarë ka gjetur në pajisjet tona...?

comment Për komente lëvizni më poshtë
Sot mund të lexoni Shfletoni kopertinat