Armend Zemaj reagon ashpër ndaj Qeverisë: Po e shqyejnë gurmazin në fushatën zgjedhore në Shqipëri

Aktuale

Armend Zemaj reagon ashpër ndaj Qeverisë: Po e shqyejnë gurmazin në fushatën zgjedhore në Shqipëri

Nga: N.Sh Më: 14 prill 2021 Në ora: 18:24
Armend Zemaj

Ish-ministri i Shëndetësisë, Armend Zemaj ka reaguar ashpër ndaj Qeverisë Kurti.

Ai ka kritikuar ashpër Qeverinë që po merr pjesë në fushatën zgjedhore në Shqipëri.

“Derisa po e shqyejnë gurmazin në fushata zgjedhore jashtë shtetit, Qeverisë për situatën shëndetësore në vend, asnjë fjalë nuk i shpëton nga goja”, shkruan Zemaj në Facebook.

Zemaj thotë se, ka apeluar të Qeveria që të lexojnë Manualin për mbrojtjen dhe përhapjen e virusit Covid19.

Kjo për shkak se sipas tij, nuk ka asnjë strategji për parandalimin e covid 19 në Kosovë.

Postimi i plotë:

Sot, si çdo ditë e qeverisjes së kësaj Qeverie, dhjetëra jetë të humbura nga Covid-19, numër i madh i të infektuarve, ndërsa qeveria me masa politike pa konsultim me profesionistët e fushës e pa asnjë strategji të uljes së numrit të të infektuarve.

Të ndikuar nga popullizmi i jashtëm e fushatat e Facebook-ut menaxhimi pa motiv e përkushtim me mbikëqyrje selektive, do ta rikthej vendin pas një viti të mundimshëm të menaxhimit të pandemisë, në krizë të ashpër shëndetësore.

Derisa po e shqyejnë gurmazin në fushata zgjedhore jashtë shtetit, Qeverisë për situatën shëndetësore në vend, asnjë fjalë nuk i shpëton nga goja.

Lexojeni e zbatojeni së paku Manualin për mbrojtjen dhe përhapjen e virusit Covid 19!

Shfaq komentet
comments powered by Disqus
Sot mund të lexoni Shfletoni kopertinat