Ditë më parë, në mbledhjen e Këshillit të Sigurimit të Kombeve të Bashkuara, përfaqësuesi i Rusisë, Dmitry Polyanskiy, kërkoi nga ministrja e Punëve të Jashtme të Kosovës, Donika Gërvalla, që të heqë flamurin e Kosovës në prapavijë të saj. Mirëpo përkundër insistimit të Rusisë, një gjë e tillë nuk ka ndodhur.
Ndaj këtij veprimi, ka reaguar edhe eksperti amerikan, Alon Ben Meir, i cili u befasua me paraqitjen e Gërvallës gjatë kësaj mbledhje.
“Nuk jam i befasuar që Rusia ndërpreu një videokonferencë të Këshillit të Sigurimit të Kombeve të Bashkuara për të protestuar në lidhje me praninë e flamurit të Kosovës. Por unë duhet të duartrokas ministren e jashtme të Kosovës Donika Gervalla, e cila la mënjanë presionin për të vazhduar takimin e konferencës me flamurin e Kosovës në prapavijë, njësoj si dhjetë pjesëmarrës të tjerë, flamujt e kombeve të të cilëve u shfaqën pranë tyre në kornizat e tyre”, shkroi Ben Meir në Facebook, përcjell “Bota sot”.
Postimi i plotë
Nuk jam i befasuar që Rusia ndërpreu një videokonferencë të Këshillit të Sigurimit të Kombeve të Bashkuara për të protestuar në lidhje me praninë e flamurit të Kosovës. Por unë duhet të duartrokas ministren e jashtme të Kosovës Donika Gervalla, e cila la mënjanë presionin për të vazhduar takimin e konferencës me flamurin e Kosovës në prapavijë, njësoj si dhjetë pjesëmarrës të tjerë, flamujt e kombeve të të cilëve u shfaqën pranë tyre në kornizat e tyre. Kosova deklaroi pavarësinë nga Serbia 13 vjet më parë dhe është njohur nga më shumë se 110 vende. Siç shënoi Gervalla pas mosmarrëveshjes, “pavarësia e Republikës së Kosovës është një punë e mbaruar. Sa më herët që Serbia ta pranojë këtë realitet, aq më mirë mund të shkojë nga e kaluara e saj e errët në një të ardhme të ndritur ”.
