Deputeti i PDK-së: Ne do ta përkrahim çdo iniciativë për konfiskimin e pasurisë së pajustifikueshme

Aktuale

Deputeti i PDK-së: Ne do ta përkrahim çdo iniciativë për konfiskimin e pasurisë së pajustifikueshme

Më: 24 prill 2021 Në ora: 00:39
PDK

Shefi i Grupit Parlamentar të PDK’së, Abelard Tahiri, ka thënë se partia e tij do ta përkrahin cdo iniciativë për konfiskimin e pasurisë së pajustifikueshme.

Megjithatë Tahiri thotë se ajo cka Kurti po bën është diçka që nuk bëhet për shkak se s’mund të ndiqet ligjërisht një kategori e caktuar.

“Kurti po bën diçka që nuk bëhet. Zyrtarët e VV’së që thonë se po bëjnë ligj për zyrtarë e jo qytetarë. Kjo është kundërkushtetuese nëse bën ligj me ndjek një kategori të caktuar”, është shprehur Tahiri.

Tutje, ai tha se kjo iniciativë do të hasë në probleme të ndryshme, e për këtë solli edhe shembull.

“Që ta konfiskosh sot pasurinë e pajustifikueshme, neve na duhen hetues dhe prokurorë të specializuar në këtë fushë. Qe një shembull, si mendon ministrja e Drejtësisë ta konfiskojë një pasuri të tillë në Maqedoni, Shqipëri e vendet e tjera. Kur e çon një letër në Shqipëri me hetu një pasuri të një personi, duhet me çu përmes prokurorit. Pra, kur e çon ministri, ai ta kthen prapa, sepse për me hetu një pasuri të caktuar duhet të shkojë përmes prokurorit, jo përmes ministrit”, ka thënë Tahiri.

“Unë i inkurajoj me vazhdu me këtë iniciativë dhe ne i presim në Kuvend. Ne do t’i përkrahim në cdo iniciativë për konfiskimin e pasurisë”, theksoi Tahiri.

commentFirst article
Sot mund të lexoni Shfletoni kopertinat