Detaje të reja rreth rastit të dhunimit të gruas nga pesë persona në Prishtinë

Aktuale

Detaje të reja rreth rastit të dhunimit të gruas nga pesë persona në Prishtinë

Më: 12 maj 2021 Në ora: 23:40
Pamje nga video

Një grua dyshohet se është dhunuar nga pesë persona për gjashtë ditë me radhë që nga 30 prilli deri më 5 maj të këtij viti, në njërën nga shtëpitë e braktisura në kryeqytet.

Veç kësaj ajo edhe u detyrua të përdorë substanca narkotike.

I dyshuari kryesor që me 30 prill e thirri për ta takuar e më pas dhunshëm e dërgoi në hapësirat e shkreta të një ish ushqimoreje në Prishtinë, ishte denoncuar më herët në polici nga i dashuri i viktimës pasi e kishte kanosur atë.

Për këtë rast në favor të të dashurit në polici dëshmoi edhe viktima, por burri që u përball me këtë vepër si duket zgjodhi një mënyrë të ligë për t’u hakmarrë.

Që nga 5 maji kur 5 të dyshuarit ndalojnë së dhunuari dhe helmuari me narkotik viktimën, policia e Kosovës nuk ka dhënë informacione se dikush nga ta është arrestuar.

Njëjtë kanë vepruar edhe në Prokurorinë Themelore në Prishtinë, sipas së cilëve rasti është në hetim e për shkak të ndjeshmërisë nuk mund të japin më tepër detaje.

Viktima dhe të dyshuarit janë të kombësisë shqiptare.

comment Për komente lëvizni më poshtë
Sot mund të lexoni Shfletoni kopertinat