Një kontingjent i Forcës së Sigurisë së Kosovës nga data 16-29 Maj 2021 do të marrë pjesë në ushtrimin shumëkombësh të inteligjencës “LAUFER 21” në Republikën e Kroacisë, i cili ka mision promovimin e stabilitetit dhe sigurisë rajonale.
Ky ushtrim është pjesë e ushtrimit “Immediate Response 21” në kuadër të ushtrimit ndërkombëtarë “Defender Europe 21”, udhëhequr nga Ushtria Amerikane për Evropë.
Pjesë e këtij ushtrimi do të jenë NATO dhe vendet partnere të NATO-s dhe Ushtrisë Amerikane: Kroacia, Kosova, Shqipëria, Shtetet e Bashkuara të Amerikës , Maqedonia Veriore, Sllovenia dhe Bosnja e Hercegovina.
