Vazhdon debati i ashpër, Haxhiu reagon përsëri: Shpifjet e Xhafer Tahirit…

Aktuale

Vazhdon debati i ashpër, Haxhiu reagon përsëri: Shpifjet e Xhafer Tahirit…

Nga: M.H. Më: 29 maj 2021 Në ora: 19:44
Albulena Haxhiu

\Ministrja e drejtësisë, Albulena Haxhiu ka reaguar përsër ndaj kryetarit të Vushtrisë, Xhafër Tahirit.

Haxhiu u shpreh se Tahiri refuzoi të ndërmarr veprime në mbrojtjen e pronës publike dhe nuk I lejoi as inspektoriatin të shkoj në vendin e ngjarjes sipas tij se I kanë dhënë leje kompanisë.

Ajo shton se shpifjet e Tahirit se kinse unë paskam refuzuar që pronën t'ia jap Komunës, shtojnë dyshimet që mosveprimi i tij është i qëllimshëm, përcjell “Bota sot”.

Duke shtuar ajo i bënë thirrje kryetarit të Vushtrisë që të mbrojë pronën publike dhe jo interesin privat.

Postimi i plotë

Sot, Xhafer Tahiri, ka refuzuar që të ndërmarrë veprime në mbrojtjen e pronës publike. Policia nuk ka mundur të veprojë sepse z.Tahiri nuk ka lejuar inspektoriatin të shkojë në vendin e ngjarjes me arsyetimin se "ne i kemi dhënë leje kompanisë", duke injoruar kështu Vendimin e Ministrisë së Drejtësisë për shkëputje të kontratës i cili është mbi çfarëdo vendimi tjetër të Komunës.

Shpifjet e Xhafer Tahirit se kinse unë paskam refuzuar që pronën t'ia jap Komunës, shtojnë dyshimet që mosveprimi i tij është i qëllimshëm.

Unë nuk kam mundur të ndërmarrë asnjë veprim sepse rasti është duke u trajtuar nga Gjykata.

I bëj thirrje edhe njëherë që të mbrojë pronën publike dhe jo interesin privat!

comment Për komente lëvizni më poshtë
Sot mund të lexoni Shfletoni kopertinat