A u shkarkua Agim Veliu? Flet edhe një zyrtar i LDK-së

Aktuale

A u shkarkua Agim Veliu? Flet edhe një zyrtar i LDK-së

Më: 10 qershor 2021 Në ora: 23:59
Valon Murtezaj

Zyrtari i LDK-së, Valon Murtezaj, ka thënë se Agim Veliu nuk është shkarkuar nga pozita e kryetarit të degës së LDK-së në Besianë.

Dje u bë e ditur pas mbledhjes së Kryesisë së LDK-së që Ekrem Hyseni do të jetë kandidat për kryetar komune në Besianë si dhe do të ketë kompetencat e kryetarit të degës.

Mirëpo pas kësaj reagoi Veliu i cili tha se me statut të LDK-së nuk mund t'i hiqen kompetencat, mirëpo më pas një zyrtar i LDK-së tha se me nenin 31 të statutit kompetencat e zyrtarëve nëpër degë mund të hiqen me vendim të Kryesisë.

Por, Murtezaj thotë se Veliu nuk është shkarkuar.

“Nuk ka të bëjë me çështjen e shkarkimit. Mirëpo ideja është ndryshe. Kandidati që është në garë drejton procesin e zgjedhjeve. Kjo kurrsesi nuk kupton shkarkim, sidomos jo në kohë të zgjedhjeve pasi do të krijonte probleme të panevojshme. Nuk kam qenë pjesë e bisedave private mes tyre andaj nuk mund të them më shumë se sa ajo që është thënë nga ta publikisht”, tha ai.

Shfaq komentet
comments powered by Disqus
Sot mund të lexoni Shfletoni kopertinat