Blerta Deliu: Jam e habitur me përgjigjen e Kurtit për situatën e krijuar në Deçan

Aktuale

Blerta Deliu: Jam e habitur me përgjigjen e Kurtit për situatën e krijuar në Deçan

Më: 13 korrik 2021 Në ora: 16:35
Blerta Deliu-Kodra

Deputetja e PDK-së, Blerta Deliu-Kodra, ka komentuar statusin e Albin Kurtit në lidhje me të helmuarit në Deçan.

Ajo përmes një statusi në Facebook tha se Kur po dorëhiqet nga detyrat e tij si kryeministër.

“Sot Albin Kurti dha dorëheqje përballë përgjegjësisë së tij si kryeministër i qytetarëve të Kosovës. Ky është teksti i dorëheqjes së Albin Kurtit përballë përgjegjësisë si kujdestar i shëndetit të qytetarëve të shtetit që e drejton” shkroi Deliu-Kodra.

Në fund, ajo porositi Kurtin të kthehet me këmbë në tokë.

Statusi i plotë:

Albin Kurti po dorëhiqet nga detyrat që ia ka besuar qytetari i Kosovës

Jam e habitur me përgjigjen e kryeministrit të Kosovës, Albin Kurtit, për situatën e krijuar në komunën e Deçanit.

Sot Albin Kurti dha dorëheqje përballë përgjegjësisë së tij si kryeministër i qytetarëve të Kosovës. Ky është teksti i dorëheqjes së Albin Kurtit përballë përgjegjësisë si kujdestar i shëndetit të qytetarëve të shtetit që e drejton.

["Në pamundësi për të qenë pranë jush, meqë jam në vizitë zyrtare jashtë vendit, kam komunikim të vazhdueshëm me institucionet përgjegjëse".]

Z. Kryeministër, ju nuk jeni në një vizitë zyrtare. Ajo ka mbaruar. Ju po bredhni kot nëpër ishujt grekë për broçkullat e anti-kolonializmit. Kthehuni me këmbë në tokë dhe merruni me detyrën që ua ka besuar qytetari i Republikës së Kosovës.

comment Për komente lëvizni më poshtë
Sot mund të lexoni Shfletoni kopertinat