Ramush Haradinaj: Kosova të jetë vullnetare në strehimin e afganëve

Aktuale

Ramush Haradinaj: Kosova të jetë vullnetare në strehimin e afganëve

Më: 15 gusht 2021 Në ora: 10:53
Ramush Haradinaj

Kryetari i Aleancës për Ardhmërinë e Kosovës, Ramush Haradinaj, ka përkrahur kërkesën për strehimin e afganëve në Kosovë.

Këto ditë është raportuar se Shtetet e Bashkuara të Amerikës kanë kërkuar nga shtetet mike që të strehojnë afganë, që po ikin nga terrori i talebanëve.

Mëngjesin e sotëm, kryeministri i Shqipërisë, Edi Rama, konfirmoi se Shqipëria i përgjigjet pozitivisht kërkesës së SHBA-së, ndërsa kërkoi që një gjë të tillë ta bëjë edhe Kosova, në rast se i kërkohet.

Përmes një postimi në Facebook, kreu i AAK-së, Ramush Haradinaj, thotë se Kosova duhet të jetë vullnetare në strehimin e afganëve dhe të qëndrojë pranë SHBA-së, ashtu siç ishin ata pranë Kosovës.

Postimi i plotë:.

“Kosova të jetë vullnetare në strehimin e disidentëve afganë dhe të jetë pranë Shteteve të Bashkuara të Amerikës, ashtu siç ishin ata pranë nesh, kur riatdhesuam shtetasit e Kosovës nga Siria!
RH”. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat