Presidenti i AKR-së, Behgjet Pacolli, ka dhënë detaje rreth takimit që sot pati në Hagë, me ish-presidentin Hashim Thaçi, ish-kryeparlamentarin Kadri Veseli si dhe ish-deputetin e VV-së, Rexhep Selimin.
Sot ishte një ditë ku unë munda të shkojë dhe t’i vizitojë pjesëtarët e UÇK-së, ku po mbahen në Hagë.
”Pata mundësinë që përveç presidentit Thaçi pata mundësinë ta takojë edhe ish-kryeparlamentarin Veseli dhe ish-deputetin e VV-së Rexhep Selimi”.
Ai foli edhe rreth gjendjes së ish-krerëve të UÇK-së të cilët aktualisht po përballen me një proces nga Dhomat e Specializuara.
”Mirë, ata moralisht ishin mirë, edhe me shëndet mirë. Të gjithë e dinë që janë në një proces ku ata duhet të punojnë shumë me avokatët e tyre, për të treguar që lufta e UÇK-së, ka qenë luftë e pastërt”.
”Dhe jam i bindur dhe unë që shumë shpejt do t’u tregohet opinionit botërorë se këta njerëz mbahen koti atje dhe pa asnjë arsye”.
Nga bisedat që kishit a ishin të kënaqur me mbështetjen e institucioneve vendore ndaj tyre?
”Nuk hyra në atë drejtim por mbështetja nuk dueht të mungojë nga Kosova”.
”Qeveria e Kosovës duhet të ketë më shumë kujdes dhe asnjëherë të mos ua ndalë mbështetjen këtyre djemve, sepse këta janë atje për pavarësinë e Kosovës që ne sot e gëzojmë dhe askush nuk ka të drejtë të paragjykojë pa marrë parasysh cka është ajo”.
”Ne tani duhet të shfrytëzojmë të gjitha instrumentet juridike që t’i mbrojmë djemtë tanë”.
