Policia arreston këta katër persona të kërkuar për kontrabandë

Aktuale

Policia arreston këta katër persona të kërkuar për kontrabandë

Më: 15 tetor 2021 Në ora: 17:54
Pamje nga veriu i Kosovës

Policia  e Kosovës ka intervistuar katër persona të shpallur në kërkim lidhur me aksionin e 13 tetorit, kundër kontrabandës në katër rajone të vendit.

Siç ka njoftuar Policia të intervistuarit janë: Vehbi Hyseni, Muhamet Hyseni, Muhamet Vallqi dhe Agron Novaj. Prej tyre njëri është liruar në procedurë të rregullt, pas intervistimit.

Njoftimi i plotë:

Pas realizimit të operacionit policor në luftën kundër krimit të organizuar dhe kontrabandës me mallra, të datës 13.10.2021 në rajonin e Prishtinës, Pejës, Mitrovicës Jugu dhe Mitrovicës Veri,  ku ishin arrestuar tetë persona të dyshuar dhe shpallur në kërkim dhjetë persona tjerë të dyshuar,  policia ka vazhduar hetimet intensive drejtë arrestimit dhe sjelljes para organeve të drejtësisë të të dyshuarve që ishin në kërkim.

Pas veprimeve operacionale dhe vendosjes në kërkim të personave të dyshuar, sot me 15.10.2021 hetuesit policorë kanë intervistuar edhe katër nga të dyshuarit që kanë qenë në kërkim policorë.

Personat e intervistuar nga zyrtarët policorë janë: V.H., (1978), M.H., (1981), M.V., (1994) dhe A.N., (1982), të cilët pas intervistimit, me urdhër të prokurorit tre të dyshuar  janë dërguar në mbajte, përderisa  njëri nga të dyshuarit është liruar në procedurë të rregullt.

Policia e Kosovës mbetet e përkushtuar në vazhdimin e hetimeve intensive drejtë sjelljes para organeve të drejtësisë edhe të persona tjerë të dyshuar të përfshirë në këtë veprimtari kriminale.  

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat