Simboli që presidentja Osmani kishte në setër në OKB çmend Serbinë, ky është reagimi i tyre

Aktuale

Simboli që presidentja Osmani kishte në setër në OKB çmend Serbinë, ky është reagimi i tyre

Më: 15 tetor 2021 Në ora: 18:34
Presidentja e Kosovës, Vjosa Osmani

Misioni i Serbisë në OKB ka dërguar notë proteste për shkak të paraqitjes së Vjosa Osmanit aty.

Pakënaqësitë e Serbisë kanë të bëjnë me një flamur të vogël të shtetit të Kosovës që Osmani kishte vendosur në setër gjatë fjalimit në Këshill të Sigurimit.

Përveç kësaj, Osmani në anën tjetër kishte të vendosur një karficë të punuar nga viktimat e dhunës seksuale gjatë luftës së fundit.

Mediat serbe thonë se edhe njëri nga këshilltarët e Osmanit kishte në maskën e tij flamurin e shtetit të Kosovës.

Ky veprim i Serbisë duket patetik duke pasur parasysh faktin se ambasadori i Serbisë në SHBA, Marko Gjuriq, në paraqitjen e tij në OKB kishte të vendosur në maskë simbolin e Asociacionit të Komunave me Shumicë Serbe.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat