Albin Kurti: Më 17 tetor nuk biem në 50 përqind

Aktuale

Albin Kurti: Më 17 tetor nuk biem në 50 përqind

Më: 15 tetor 2021 Në ora: 21:40
Pamje nga tubimi i VV-së

Kryetari i Lëvizjes Vetëvendosje, njëherësh kryeministër, Albin Kurti, ka thënë se edhe në zgjedhjet lokale do të fitojnë mbi 50 përqind.

Në përmbyllje të fushatës zgjedhore në Podujevë, lideri i partisë në pushtet, tha se Llapin do ta fitojnë pa balotazh.

"Të dielën më 17 tetor votoni Shpejtim Bulliqin, por edhe asamblistët sepse kryetari ka nevojë për një grup fuqishëm të asamblistëve që ia mbështesin projektet dhe përfaqësojnë zërin e qytetarëve të llapit në secilin fshat dhe në qytet. Më 14 shkurt kemi realizuar edhe një fitore tjetër plebishitare, edhe me 17 tetor nuk biem në 50 përqind veç 50 përqind e më shumë. E sa më shumë se 50 perqind është në dorën e juaj", tha ai.

Për llapjanët, Kurti premtoi investime konkrete.

Kurti: Do të ndërtojmë spitalin dhe magjistralen

"Ndërtimi i spitalit në Podujevë, mua kryeministër dhe me Shpejtim Bulliqin kryetar, Podujeva e fiton spitalin e saj, përfundimin e magjistrales, Prishtinë-Podujevë brenda vitit të ardhshëm", shtoi Kurti.

Ndërsa, kandidati i LVV-së për kryetar të Podujevës, Shpejtim Bulliqi, tha se bashkërisht me qytetarët do ta fitojnë Podujevën.

Bulliqi: Bashkërisht do t’ia dalim, do të fitojmë Podujevën

"Bashkërisht do t’ia dalim, do të fitojmë Podujevën sepse kemi vënë qeverisje të mirë. urime fitorja qysh sonte, kjo është puna juaj dhe angazhimi juaj. Faleminderit shumë", tha ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat