Reagon nënkryetarja e LVV-së në Vushtrri: Kjo është e vërteta për koalicionin me Xhafer Tahirin dhe PDK-në!

Aktuale

Reagon nënkryetarja e LVV-së në Vushtrri: Kjo është e vërteta për koalicionin me Xhafer Tahirin dhe PDK-në!

Nga: N.Sh Më: 20 tetor 2021 Në ora: 22:25
Gresa Muli

Gresa Muli, nënkryetare e parë e Lëvizjes Vetëvendosje në Vushtrri, ka reaguar pas një deklarate të saj e cila tashmë është shpërnda në media, e që ka të bëjë koalicionet në Vushtrri.

Muli përmes një sqarimi të publikuar në Facebook, shprehet se, e dinë qartë se nuk bashkëpunojnë me Xhafer Tahirin e LDK-së, me të cilin e kanë prishur një koalicion për çështje parimesh, pasi sipas saj, Tahiri vazhdon të jetë i njëjti bashkë me subjektin e tij politik.

Ajo thotë se mendimi i saj personal është që të qëndrojnë në opozitë, mirëpo, përkundër mendimit të saj, shprehet se në një organizatë vendos shumica.

Reagimi i plotë:

Sqarim për qytetarët!

Po e shoh që gjithandej nëpër portale po qarkullon një prononcim i imi të cilit si duket i është dhënë kahje tjetër dhe po keqkuptohet kinse si pohim për një koalicion të mundshëm me PDK-në.

Ne e kemi të rregulluar me statut se kush merr vendime për marrëveshje koalicioni dhe unë të njëjtën gjë e thash në prononcim. Ne nuk kemi asnjë qëndrim aktualisht përveç se e dijmë qartë se nuk bashkëpunojmë me Xhafer Tahirin me të cilin kishim prishur koalicion për çështje parimesh e ai vazhdon të jetë po i njejti e edhe subjekti i tij politik!

Mendimi im personal është që të qëndrojmë opozitë e të bëhemi gardian të Komunës e aseteve komunale nga pozitat që kemi në Kuvend Komunal e si qendër, mirëpo përkundër mendimit tim personal në një organizatë vendos shumica dhe kësisoji vendimi për koalicione të mundshme nuk mund të del nga një individ por si vendim i nivelit të tretë të Levizjes në bashkëpunim me qendra fakt ky i cili do të bëhet i ditur kurdo që do të diskutohet për të.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat