Tahiri: VV ka vetëm dy zgjidhje në qytetin e Vushtrrisë

Aktuale

Tahiri: VV ka vetëm dy zgjidhje në qytetin e Vushtrrisë

Më: 20 tetor 2021 Në ora: 23:40
Xhafer Tahiri

Kryetari i Komunës së Vushtrrisë, Xhafer Tahiri i cili vazhdon të jetë në garë për një mandat të dytë si kryetar i kësaj komune ka thënë se me 14 nëntor qytetarët do të zgjedhin një kryetar që ju përgjigjet vetëm qytetarëve të Vushtrrisë.

Ai në emisionin DIREKT foli edhe për kundërkandiatin e tij Ferit Idrizi nga Partia Demokratike e Kosovës me të cilin patën pak dallime në vota ku edhe shkuan në balotazh.

"Unë do të vazhdoj të qendroj zot shtëpije në Vushtrri dhe jam i bindur se me 14 nëntor qytetarët e Vushtrrisë do të zgjedhin një kryetar që ju përgjigjet vetëm atyre dhe askujt tjeter,i tillë kam qenë dhe i tillë do të mbetem, dihet se si ka qeverisur PDK-ja deri në vitin 2017 ku vetëm një kompani ka pasur tender mbi 18 milionë euro tender për kohen e kësaj qeversije dhe krejt Vushtrria e di se si është qeverisur nga PDK", tha Tahiri.

Sa i përket nëse do të ketë përkrahjen e Lëvizjes Vetëvendosje në balotazh, Tahiri ka thënë se LVV ka dy zgjidhje.

“Lëvizja ka vetëm dy zgjidhje në qytetin e Vushtrrisë, të vazhdojë atë që e kemi nisur bashkë në vitin 2017 për një qeverisje të mirë, apo të rikthejë PDK-në të cilët e degraduan Vushtrrinë për disa vite”, tha ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat