Deklarata për Amerikën/ Ish-ministri i LDK-së shpërthen ndaj deputetit të VV-së

Aktuale

Deklarata për Amerikën/ Ish-ministri i LDK-së shpërthen ndaj deputetit të VV-së

Nga: A.ZH Më: 18 nëntor 2021 Në ora: 19:56
Imet Rrahmani

Imet Rrahmani, ish-ministër nga Lidhja Demokratike e Kosovës, i ka reaguar ashpër deputetit nga Lëvizja Vetëvendosje Fatmir Humolli. Ky i fundit, në seancën e sotme të Kuvendit ka deklaruar se amerikanët kanë më shumë interesa ekonomike në Serbi sesa në Kosovë.

“Unë e di që amerikanët na kanë thanë jeni terroristë, Ramush ty të ka thanë je terrorist, ti nuk e ke ngu Amerikën hiç. Amerikanët janë popull i madh edhe kanë interesa të ndryshme, individë të Amerikës që dëshirojnë me shfrytëzu këtu. Kemi pas embargo prej amerikanëve si UÇK”, ka thënë ai.

E Rrahmani, ka thënë se po të kishte Amerika interesa më të mëdha në Serbi, nuk do ta bombardo për ta çliruar Kosovën, përcjell Bota sot.

Ish-ministri i Shëndetësisë e ka quajtur “debil” deputetin nga LVV-ja.

Reagimi i tij në Facebook:

Debila breeee...me pas pasur Amerika interesa më të mëdha në Serbi nuk e kish bombarduar mbi shtatëdhjetë ditë pandërprerë!

Ju, ata si ju dhe ata që po ju besojnë nuk mundeni me i prish raportet me Amerikë, sepse ato burimin e kanë te liria, drejtësia e barazia e popujve, dhe janë të moçme mbi njëqind vjet.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat