Gjenerallejtënant Rrahman Rama me pozitë të re pas dorëheqjes

Aktuale

Gjenerallejtënant Rrahman Rama me pozitë të re pas dorëheqjes

Më: 30 nëntor 2021 Në ora: 11:42
Rrahman Rama

Ish- komandanti i Forcave të Sigurisë së Kosovës, gjenerallejtënant Rrahman Rama pas dorëheqjes së tij nga pozita që kishte në FSK, pritet që të marrë një detyrë të re.

Burime kanë bërë të ditur se Rama do të ketë një pozitë të re ushtarake përfaqësuese për Kosovën, në njërin nga vendet e rajonit.

Ende nuk është bërë e ditur se saktësisht qfarë misioni do të ketë Rama, pasi që kjo pritet të bëhet pas dekretimit nga ana e Ministrisë së Punëve të Jashtme dhe Diasporës.

Presidentja e Kosovës, Vjosa Osmani sot në vend të Rrahman Ramës, ka emëruar komandant të ri të FSK-së, gjeneralmajor Bashkim Jasharin.

Emërimi është bërë siç parashihet në ligjin për FSK-në, pas propozimit të ministrit të Mbrojtjes dhe rekomandimit të kryeministrit të Republikës së Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat