Agim Çeku tregon sa euro në ditë i kushton Kosovës një ushtar

Aktuale

Agim Çeku tregon sa euro në ditë i kushton Kosovës një ushtar

Më: 1 dhjetor 2021 Në ora: 21:08
Agim Çeku

Ish-ministri i FSK’së, Agim Çeku thotë se Kosovës një ushtar i kushton 17 euro në ditë. Në këtë mënyrë sipas tij, aktualisht është i pamundur të bëhet i detyrueshëm shërbimi ushtarak.

Ish-kryeministri ka dhënë arsyet për këtë.

‘Një ushtar kushton 17 euro në ditë dhe është shumë problem  shërbimi i detyrueshëm ushtarak”, tha Çeku.

“S’mund të implementohet te ne në këto rrethana që i kemi. Në situatën reale që e kemi është shumë zor që serbët t’i përgjigjen ftesës për me shku me shërbyer në ushtri pa detyrim ligjor apo pa arrestim dhe shkakton tensione të panevojshme”, tha ai për RTK’në.

Çeku thotë se ka ardhur koha për “shërbim vullnetar ushtarak”.

“Nuk është reale, nuk është e nevojshme dhe nuk është e kohës.  Koha i ka skaduar shërbimit të detyrueshëm ushtarak. Është koha për shërbim vullnetar ushtarak”, shpjegoi ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat