Sot në një parking në Fushë Kosovë është djegur një autobus i kompanisë “Arditi Tours”.
Një nga përfaqësuesit e kompanisë ka konfirmuar se autobusi i djegur i përket kësaj kompanie.
Ai tha se nuk ka të lënduar nga ky incident dhe se brenda autobusit nuk ka qenë askush.
Sipas tij, shkaku i zjarrit ende nuk dihet.
“Po është i kompanisë. Nuk e dimë njëherë shkaktarin se pse ka ndodhur. Brenda nuk ka qenë askush dhe nuk ka të lënduar”, ka thënë një përfaqësues i kësaj kompanie.
Media ka provuar të kontaktojë edhe me zyrtarë për informim në Policinë e Kosovës, por të njëjtit deri në momentin e publikimit të këtij teksti nuk kanë kthyer përgjigje.
