Selmanaj flet për abstenimin ndaj rezolutës: Kurti organizoi...

Aktuale

Selmanaj flet për abstenimin ndaj rezolutës: Kurti organizoi...

Më: 17 janar 2022 Në ora: 22:26
Driton Selmanaj

Deputeti i LDK-së, Driton Selmanaj është deklaruar edhe një herë në lidhje me abstenimin e tij për të votuar rezolutën kundër mbajtjes së referendumit serb në Kosovë.

Selmanaj ka thënë se në seancën e së shtunës ka parë një cirk, një skenarë i përgatitur mirë dhe i organizuar mirë nga Kurti për interesa të tij personale.

“Unë kam abstenu, nuk kam votu kundër dhe qëndrimi im ka qenë edhe para ngjarjes që të vie në kuvend që detyrat kushtetuese i ka secili institucion dhe duhet ti zbatoj ato, pushtetet janë të ndamë në Kosovë, kushtetuta është e shkruar, dhe secili institucion duhet të zbatojë”, tha Selmanaj në Kanal 10

“Atë çfarë unë e kam parë në seancën e së shtunës, e kam parë një cirk, një skenarë i përgatitur mirë dhe i organizuar mirë nga Kurti për ti shërbyer krejtësisht atij, dhe interesave të tij personale. Detyrimet kushtetuese nuk ka rol të kuvendit që t’ia kujtoj askujt, ato duhet zbatohen, mandati kushtetues duhet zbatohet, nuk ka nevojë që kuvendi ta mbledh një seancë të jashtëzakonshme për të nxjerr një rezolute karakteri i se cilës është krejtësisht rekomandues, jo detyrues”.

Selmanaj ka thënë se e ka parë këtë seancë të pa nevojshme pa dobishme, dhe pa fije substancë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat