Krasniqi në dhjetor 2021: Rryma do të shtrenjtohet për shkak të paaftësisë së Qeverisë Kurti

Aktuale

Krasniqi në dhjetor 2021: Rryma do të shtrenjtohet për shkak të paaftësisë së Qeverisë Kurti

Më: 19 janar 2022 Në ora: 18:28
​Memli Krasniqi

Një deklaratë e shpërndarë e kryetarit të PDK-së, Memli Krasniqi sot, e dhënë në Kuvendin e Kosovës vitin e kaluar, është bërë virale në rrjete sociale.

Në një fjalim të tij para deputetëve në debatin për energjinë elektrike, ai paralajmëroi shtrenjtimin e rrymës për shkak të paaftësisë së kësaj qeverie.

“Dhe a e din çka do të ndodh? Dhe ajo që po shihet si tendencë e kësaj Qeverie. Ju do ta shtrenjtoni rrymën për qytetarët e Kosovës. Kërkesën për ta shtrenjtuar rrymën me 7% që ka qenë para se të bie blloku i dytë i Kosovës B, tashmë e keni në proces. Dhe kjo e tregon më së miri paaftësinë dhe mos përgatitjen e mos kompetencën tuaj për të adresuar këtë çështje. Dhe ne sot prapë duke qenë opozitë që mbi të gjitha e ka interesin e qytetarëve para vendimeve e veprimeve ditore politike e partiake, ju themi se mbështetjen do ta keni për veprime të drejta që së paku i trajtojnë dy çështje: Sigurojnë furnizim me energji për qytetarët e Kosovës dhe nuk lejojnë rritjen e çmimit të energjisë elektrike. Për gjërat tjera absolutisht do të jemi kundër dhe nuk do të keni asnjëherë mbështetje,” ka thënë Krasniqi.

Qeveria e Kosovës ka paralajmëruar këtë javë rritjen e tarifave për qytetarët e Kosovës deri në 87% duke nxitur një valë reagimesh të mëdha në vend që janë kundër kësaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat