Dogana konfiskon barna pa banderola në dy barnatore në Prishtinë

Aktuale

Dogana konfiskon barna pa banderola në dy barnatore në Prishtinë

Më: 20 janar 2022 Në ora: 15:12
Pamje nga konfiskimi i barnave

Dogana e Kosovës ka realizuar një aksion për identifikimin e kontrabandës, me ç’rast në dy barnatore të të njëjtit pronar në lokacione të ndryshme në Prishtinë (Vranjevc e Breg të Diellit) kanë konfiskuar qindra barna që llogariten të kontrabanduara.

Shumica e tyre ishin pa banderola, ndërsa kishte edhe të atillë me banderola të shteteve të huaja si nga  Turqia e Serbia, dhe barna me afat të skaduar.

Vlera e tyre konsiderohet mijëra euro, ndërsa sasia nuk dihet meqë akoma janë duke u numëruar e klasifikuar.

Pronari i barnatores në fjalë është shoqëruar në Doganën e Kosovës dhe me të do të merret prokuroria.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat