Armend Muja i përgjigjet Ramush Haradinaj për këtë çështje

Aktuale

Armend Muja i përgjigjet Ramush Haradinaj për këtë çështje

Më: 22 janar 2022 Në ora: 22:51
Armend Muja

Deputeti i Lëvizjes Vetëvendosje, Armend Muja, i ka reaguar kreut të Aleancës për Ardhmërinë e Kosovës, Ramush Haradianj, rreth importeve serbe në Kosovë.

Gjatë ditës, Haradinaj tha se në qeverinë e tij Serbia importoi mallra në Kosovë në vlerë rreth 4.4 milionë euro, ndërsa në qeverinë Kurti në vitin 2021, Serbia, sipas Haradinajt, importoi mallra në Kosovë në mbi 300 milionë euro vlerë.

Muja tha se në leximin e statistikave të ofruara nga Dogana e Kosovës, rekordi i importeve nga Serbia në Kosovë ishte regjistruar në vitin 2017.

“Nga një lexim i shpejtë i statistikave të ofruara nga Doganat e Kosovës në të vërtetë rekordi i importeve nga Serbia ishte regjistruar në vitin 2017 në kohen e koalicionit PAN (Haradinaj II) me 449 milion euro apo 15% e te gjitha importeve të Kosovës”, ka shkruar Muja në llogarinë e tij në Facebook.

Tutje, ai tha se në vitin 2017 Kosova kishte importuar energji elektrike nga Serbia në vlerë 55 milionë euro, ndërsa sipas tij, në vitin 2021 partneri kryesor i Kosovës në shkëmbim tregtar rajonal është Shqipëria.

“Blerjet nga Serbia kanë rënë në 6.5% të vlerës së përgjithshme të importit të Kosovës. Nevojat për energji elektrike të Kosovës nuk mbulohen më nga Serbia si në kohen e PAN (55 milion euro ne vit) por nga Shqipëria, Danimarka dhe Maqedonia”, ka shkruar Muja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat