Behgjet Pacolli tregon çka i mungon Qeverisë

Aktuale

Behgjet Pacolli tregon çka i mungon Qeverisë

Më: 25 janar 2022 Në ora: 22:22
Behgjet Pacolli

Presidenti i AKR-së, Behgjet Pacolli ka kritikuar qeverinë e Kosovës. I quan të papranueshme arsyetimet e qeveritarëve se fajin e kanë “20 vjetët e kaluara” pasi sipas Pacollit në këta muaj qeverisje Kurti ka mundur të rregullojë shumë gjëra.

Kritika Pacolli kishte edhe për shtrenjtimin e rrymës.

“Qeverisë i mungojnë ekspertët, i mungon ekspertiza në përgjithësi. Po të kishte pasur ekspertë dhe strategë kjo qeveri do të dinte se do të ketë krizë energjetike”, tha Pacolli.

“Kur është fol për krizën energjetike qytetarët kanë pushuar në det në pushimet verore dhe disi ka kaluar në heshtje ajo informatë, nuk është marrë askush me të”, shtoi ai.

“Më kujtohet mirë paralajmërimi i kryeministrit të Shqipërisë që thotë se ‘në këtë dimër do të ballafaqohemi me krizë energjetike”. Unë besoj se në atë kohë qeveria ka mund të organizojë këtë ekspertin e famshëm, për të cilin flitet, që ne nuk e dimë se çfarë gjiganti është ai, por është përshkruar si një gjigant që ka ardhur një ekspert nga Gjermania dhe se ai është duke bërë mrekulli”, shpjegoi Pacolli.

“Ne kemi në KEK ekspertë të vyer që kanë mundur ta bëjnë atë. Dikush ndoshta duhet të kujdeset që mirëmbajtja e turbinave e impianteve energjetike bëhet verës kur konsumi është i ulët”, shtoi Pacolli.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat