Çitaku befason me deklaratën: Do të doja që Dardan Sejdiu t’i bashkohej PDK-së

Aktuale

Çitaku befason me deklaratën: Do të doja që Dardan Sejdiu t’i bashkohej PDK-së

Më: 25 janar 2022 Në ora: 22:34
Dardan Sejdiu

Nënkryetarja e PDK-së, Vlora Çitaku ka thënë në emisionin Pressing në T7 se do të dëshironte që Dardan Sejdiu t’i bashkohej subjektit të saj.

Citaku ka komentuar emërimet në komunën e Prishtinës, ku është përmendur edhe emri i Dardan Sejdiut. Citaku ka thënë se për emërime duhet të pyetet kryetari i PDK-së për degën e Prishtinës, Uran Ismaili, mirëpo shtoi se e çmon Sedjiun.

“E çmoj Dardan Sejdiun, do të doja t’i bashkohej PDK-së”, ka thënë ajo.

Sejdiu në të kaluarën ka qenë pjesë e VV-së dhe ka pasur kritika të ashpra për PDK-në, mirëpo Citaku shtoi se këto nuk do të ishin problem për përafrim. 

“Shumë persona që kanë folur kundër PDK-së, tani janë pjesë e jona dhe janë bashkuar gjatë viteve. Jemi në demokraci. Në qeveri ka shumë persona që në të kaluarën kanë qenë pjesë e jona dhe kanë folur kundër VV-së”, shtoi ajo. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat