“Zbrit në tokë o Kryeministër”, Haradinaj e kritikon Qeverinë për masat anti-Covid

Aktuale

“Zbrit në tokë o Kryeministër”, Haradinaj e kritikon Qeverinë për masat anti-Covid

Më: 27 janar 2022 Në ora: 11:26
Ramush Haradinaj dhe Albin Kurti

Kryetari i AAK-së, Ramush Haradinaj e ka kritikuar edhe njëherë vendimin e Qeverisë me masat e reja anti-Covid, duke thënë se Organizata Botërore e Shëndetësisë nuk e sheh situatën sikur Ekzekutivi në Kosovë.

Haradinaj i ka thënë “zbrit në tokë”, kryeministrit Albin Kurti.

“Organizata Botërore e Shëndetësisë del me vlerësimin se ndalimi i udhëtimeve nuk e parandalon përhapjen e virusit e Qeveria jonë i bllokon shqiptarët me hy në Kosovë e ata që janë brenda i mbyll me orë policore në shtëpi! Zbrit në tokë o Kryeministër!”, ka shkruar ai.

Haradinaj dje tha se e ka marrë dozën e tretë të vaksinës kundër koronavirusit duke i ftuar të gjithë që të vaksinohen.

Ai po ashtu e ktitikoi Qeverinë për masat, që sipas tij, janë të paefektshme.

“Krejt format e tjera kushtëzuese e ndëshkuese ndaj qytetarëve dhe bizneseve, siç janë ora policore, mbyllja e gastronomisë dhe masat e tjera shtrënguese, janë të paefektshme dhe i kërkoj qeverisë që t’i heq ato.”

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat