Cakolli: Çka është më pak arrestim politik ky i sontmi se ata të kaluarit?

Aktuale

Cakolli: Çka është më pak arrestim politik ky i sontmi se ata të kaluarit?

Nga: M.L. Më: 1 shkurt 2022 Në ora: 21:32
Eugen Cakolli

Policia e Kosovës ka arrestuar sonte kreun e PSD-së, Dardan Molliqaj.

Deri te arrestimi i Molliqajt ka ardhur shkak i protestës së organizuar nga PSD-ja të shtunën, kundër shtrenjtimit të energjisë elektrike.

Gjatë kësaj proteste, Molliqaj kishte goditur me shuplakë një zyrtar policor dhe që atëherë ishte në kërkim nga Policia e Kosovës.

Lidhur me mënyrën se si është arrestuar Molliqaj ka reaguar Eugen Cakolli, hulumtues në Institutin Demokratik të Kosovës.

Cakolli hodhi kritika ndaj Policisë, duke thënë se dikur, përdorimi i njësive speciale për arrestimin e eksponentëve politik vlerësohej si indikator i shtetit (të kapur) policor dhe abuzim me resurset shtetërore për qëllime politike.

“Sot, situata është edhe më problematike e shqetësuese. Dardan Molliqaj qenka arrestuar nga njësitë speciale bash në kohën kur me ekzekutivin udhëheqë subjekti politik që ka qenë target i vazhdueshëm i veprimeve të tilla. Çka është më pak arrestim politik ky i sontmi se ata të kaluarit?”, shkruan Ckolli në postimin e tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat