Para pak ditësh, ministri i Bujqësisë, Faton Peci, doli në ara në Vushtrri, për siç tha ai, t’i ndihmojë bujqit e fermerët.
Menjëherë nisën reagimet në rrjetet sociale si “Dil kah Drenica pak ministër”.
Sot gjatë ditës, edhe deputetja e Partisë Demokratike Blerta Deliu – Kodra, ka vendosur që të dalë për vizitë në ara. E ka vizituar një fermer në Drenas.
Ajo madje i ka kërkuar Qeverisë së Kosovës që t’i stimulojë ata përmes subvencioneve.
“Bajram Mulliqi nga Abëria e Epërme e Drenasit nuk pajtohet që tokat bujqësore të mbeten djerrina. Ai ka ardhur nga Gjermania për ta punuar arën e tij në vendlindje, pavarësisht vështirësisë që i krijon distanca. Mbjellja e sipërfaqeve bujqësore, sidomos në këtë kohë krize të sigurimit dhe përballimit të produketeve esenciale, është mëse e nevojshme.”, shkroi ajo.
“Prandaj, Qeveria duhet të jetë më dashamirëse ndaj fermerëve dhe t’i stimulojë ata nëpërmjet subvencioneve qeveritare. Z. Mulliqi i uroj mbarësi dhe e falenderoj që me vullnetin e tij shërben si shembull i përkushtimit!”, shkroi Deliu – Kodra në Facebook.
