Ministri Murati jep detaje për ekzekutimin e 100 eurot për punëtorët e sektorit publik dhe atyre privat

Aktuale

Ministri Murati jep detaje për ekzekutimin e 100 eurot për punëtorët e sektorit publik dhe atyre privat

Më: 29 prill 2022 Në ora: 13:09 Përditësuar në ora: 15:48 më 29.04.2022
Hekuran Murati

​Qeveria ekzekuton 100 eurot shtesë për zyrtarët publikë, por jo edhe për ata të sektorit privat

Ministri i Financave, Punës dhe Transfereve, Hekuran Murati ka thënë të premten se është nënshkruar marrëveshja me 39 organizata për shpërndarjen e 34 mijë pakove ushqimore, në vlerë prej 1.7 milionë eurosh për familjet në nevojë.

Ministri Murati në një konference për media tha sot janë ekzekutuar edhe pagat e muajt prill me shtesa nga 100 euro përreth 80 mijë zyrtarë publikë.

Ndërsa, për 100 eurot për punëtorët e sektorit privat, Murati tha se në javën tjetër formohet komisioni për shqyrtimin e aplikimeve.

Murati: 34 mijë pako ushqimore në vlerë prej 1.7 milionë eurosh për familjet në nevojë

“Në kuadër të pakos së masave që kemi pasur për t’i mbështetur familjet dhe ata që po kalojnë nëpër këto kohë të vështira, kur kemi një krizë inflacioni dhe rritje të çmimeve, sot gjatë ditës kemi nënshkruar marrëveshje me 39 organizata apo shoqata me veprimtari edhe shpërndarjen e pakove ushqimore. Në kuadër të kësaj ka qenë edhe masa 3.4 ku gjithsej pritet të shpërndajmë 34 mijë pako ushqimore në vlerë prej 1.7 milionë eurosh. Deri më tani përveç kësaj në kuadër të pakos të masave mbështetëse janë shpërndarë përreth 280 mijë pensionistë edhe mbështetja shtesë prej 100 euro. Është shpërndarë edhe dyfishi i skemës sociale përreth 26 mijë familje si dhe sot janë ekzekutuar edhe pagat për sektorin publik përreth 80 mijë zyrtarë publikë, në shumën prej 100 euro kanë marrë subvencionin shtesë”, theksoi ai.

Ministri Murati ka përmendur edhe shpërndarjen e 100 eurove shtesë për rreth 280 mijë pensionistë, dyfishimin e skemës sociale për 26 mijë familje.

Ai tha se për studentët shpejt do të hapet formulari për aplikim.

Murati: Javën tjetër formohet komisioni për shqyrtimin e aplikimeve të punëtorëve privatë

“Po ashtu kanë mbetur edhe pagat për punëmarrësit e sektorit privat dhe për punonjësit e ndërmarrjeve publike që nuk marrin pagë nga buxheti. Procesi është ende i hapur për aplikim dhe po presim aplikimet në vazhdimësi dhe prej javës tjetër e tutje besoj që do të formojmë komisionin shqyrtues i cili pastaj do të trajtojë të gjitha aplikimet dhe do të mund të fillojë edhe pagesa për këtë kategori. Si dhe kategoria tjetër që parashihet të përfitojë nga masa mbështetëse të njëhershme prej 100 eurove janë edhe studentët për të cilët po ashtu jemi drejt finalizimit të platformës apo formularit për aplikim dhe do të hapet shumë shpejt”, tha ai.

Ministri Murati përmendi edhe pagën minimale, i cili tha se plotësim-ndryshimi i ligjeve që mundësojnë rritjen e pagës minimale do të hidhet në votim në seancën plenare të 5 majit.

Murati thotë se janë ekzekutuar 100 eurot për punëtorët e sektorit publik – Ata në privat, javëve në vijim

Ministri i Financave, Punës dhe Transfereve, Hekuran Murati, ka thënë se janë ekzekutuar mjetet prej 100 euro për punëtorët e sektorit publik. Ndërsa për ata të sektorit privat do të nevojitet pak më shumë.

Përmes një konference për medie, Murati ka thënë se afati për aplikim për punëtorët e sektorit privat është ende i hapur dhe se pas javës së ardhshme do të formohet komisioni shqyrtues.

“Kanë mbetur edhe pagat për sektorin privat procesi është ende i hapurt për aplikim prej javës e tjetër e tutje do të formojmë komisionin shqyrtues, më pas do të fillojnë pagesat edhe për këtë kategori”, tha Murati.

“Procesi është ende i hapur për aplikim dhe po presim aplikimet në vazhdimësi dhe prej javës tjetër e tutje, besoj që do të formohet komisioni shqyrtues i cili më pas do të trajtojë të gjitha aplikimet dhe do të mund të fillojë pagesa edhe për këtë kategori”, ka thënë ai.

Ministri Hekuran Murati thërret konferencë për media

Ministri i Financave, Hekuran Murati ka thirrur sot konferencë për media.

Konferenca do të mbahet në orën 14:30 në ndërtesën e Qeverisë së Kosovës.

Ministri i Financave, Punës dhe Transfereve, Hekuran Murati, mban konferencë për media”, thuhet në njoftim.

Tema e konferencës nuk është bërë e ditur.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat