Rrëfimi interesant i ministrit austriak: Ja si provuam t’i pajtojmë shqiptarët dhe serbët në Vjenë

Aktuale

Rrëfimi interesant i ministrit austriak: Ja si provuam t’i pajtojmë shqiptarët dhe serbët në Vjenë

Më: 6 maj 2022 Në ora: 19:01
Foto ilustrim

Kryediplomati austriak Alexander Schallenberg ka treguar për marrëdhëniet mes shqiptarëve nga Kosova dhe serbëve që jetojnë në Austri. Ai thotë se mungesa e raporteve të mira në mes Kosovës dhe Serbisë pasqyrohet edhe te ata, përkundër se tha që bëjnë përpjekje për t’i afruar mes vete. 

Në një panel në Firencë të Italisë ku po flitet për të ardhmen europiane të Ballkanit Perëndimor, pjesë e të cilit ishte kryeministrja serbe Ana Bërnabiq dhe moderator emisari special i BE-së, Miroslav Lajçak, Schallenberg të dyja komunitetet i cilësoi si asete të vlefshme për shtetin e tij. Ai gjithashtu tha se shumë prej tyre tashmë janë edhe shtetas austriakë.

“Një gjë interesante; ne kemi një komunitet të rëndësishëm në Austri që vjen nga Serbia dhe kemi një komunitet të rëndësishëm që vjen nga Kosova. Për momentin nuk ka shumë ndërveprime mes të dyja komuniteteve. Ne kemi provuar, por kjo është një gjë që komunitetet duhet ta bëjnë mes vete. Dhe problemi është prej sinjaleve që vijnë nga shtëpitë e tyre [Kosova dhe Serbia]. Realiteti tani për tani është që komuniteti kosovar në Vjenë dhe komuniteti serb në Vjenë janë shumë aktivë, të gjallë, krenarë, por nuk ndërveprojnë mes vete”.

Schallenberg në këtë panel ka thënë se integrimi i Ballkanit Perëndimor në BE duhet të bëhet sa më shpejt dhe se Unioni duhet të mendojë gjeostrategjikisht dhe jo burokratikisht në procesin e anëtarësimit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat