​Schalin: Finlanda do të angazhohet për anëtarësimin e Kosovës në NATO

Aktuale

​Schalin: Finlanda do të angazhohet për anëtarësimin e Kosovës në NATO

Më: 18 maj 2022 Në ora: 12:05
Shefi i Ambasadës së Finlandës në Kosovë, Johan Schalin

Shefi i Ambasadës së Finlandës në Kosovë, Johan Schalin, ka folur për procesin e anëtarësimit të vendit të tij në NATO, në kohën e agresionit rus në Ukrainë.

Gjithashtu, ai ka thënë se vendi i tij do të përkushtohet në të ardhmen që ta përkrah Kosovën në procesin e anëtarësimit në aleancën më të madhe ushtarake në botë.

“Unë mendoj se çdo vend merr vendimet e veta për sigurinë e tij, kështu që është e vështirë të japësh këshilla. Tani për tani, ne jemi shumë të fokusuar në rrugën tonë drejt NATO-s. E vërej që jemi ulur në Kosovë, gjatë kësaj interviste dhe Kosova nuk është anëtare e NATO-s, kurse shumë vende fqinje të saj janë”, ka thënë Schalin për Geopost.

Ai më tej ka theksuar se, NATO ka një politikë të dyerve të hapura.

“Nëse Finlanda hyn para Kosovës në NATO, do të angazhohemi për të njëjtën politikë të dyerve të hapura siç ka vendosur NATO kolektivisht. Mendoj se në një moment në të ardhmen mund të jetë një zgjedhje që Kosova mund ta bëjë”, ka përfunduar kreu i Ambasadës së Finlandës në Prishtinë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat