Në seancën për vrasjen Donjeta Pajazitaj shfaqet një video nga dita e vrasjes

Aktuale

Në seancën për vrasjen Donjeta Pajazitaj shfaqet një video nga dita e vrasjes

Më: 24 maj 2022 Në ora: 11:36
Donjeta Pajazitaj

Në Gjykatën Themelore në Ferizaj, po vazhdon gjykimi i Naser Pajazitaj, nën akuzat për vrasjen e Donjeta Pajazitaj.

Në seancë përmes projektorit është shfaqur një video nga dita kritike, në vendin e ngjarjes Strellc të Deçanit, në vitin 2015.

Ky është një video incizim i një shtëpie rrugës për në Strellc të Ulët, të datës 09.11.2015.

Por xhirimi i pamjeve nuk u lejua nga trupi gjykues.

“Gjatë incizimeve mund të dëmtohet privatësia e personave që nuk janë të përfshirë në këtë procedurë, por që janë kapur nga këto kamera. Rrjedhimisht, mund të preket pjesa private e tyre.” – tha kryetari i trupit gjykues, Ibrahim Idrizi.

Me këtë vendim familja nuk u pajtua.

“Po na duket e paarsyeshme mos me na leju me incizu.” – theksoi Lumnije Pajazitaj.

Kjo erdhi pas kërkesës që mbrojtja, Gëzim Kollçaku, bëri para trupit gjykues.

Për dallim nga dy seancat paraprake, prezentë në këtë seancë janë edhe familjarët e Donjeta Pajazitaj.

I akuzuari, në paraqitjen e parë, mohoi fajësinë për vrasjen e Donjeta Pajazitaj, derisa pranoi fajin për armëmbajtje pa leje.

Për këtë vepër penale, Naser Pajazitaj mori dy herë dënim me burg të përjetshëm, vendime të cilët u rrëzuan njëherë nga Gjykata e Apelit dhe një herë nga Gjykata Supreme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat