Shala thotë se nuk ka pasur krizë energjetike në vend dhe se Vetëvendosje po gënjen

Aktuale

Shala thotë se nuk ka pasur krizë energjetike në vend dhe se Vetëvendosje po gënjen

Më: 25 maj 2022 Në ora: 21:10
Ferat Shala

Deputeti i Partisë Demokratike të Kosovës, Ferat Shala ka deklaruar se nuk ka pasur krizë energjetike në vend dhe se ky është narracion i krijuar nga Lëvizja Vetëvendosje.

Shala thotë se krizë energjetike ka  pasur vetëm në muajin janar, për shkak të defektit por edhe keqmenaxhimit strukturor e organizativ.

Sipas tij, prodhimi vendor në atë kohë si dhe eksportet jashtë vendit e “demantojnë narracionin e krijuar nga Qeveria, Zyra e Rregullatorit të Energjisë dhe politika e LVV-së”.

“Z. Muja duhet me arsyetu narracionin tash e disa muaj që ka krijuar LVV dhe ekzekutivi mbi nevojën dhe krizën energjetike të paqenë, përjashto janarin që kemi pasur një krizë të arsyeshme për shkak të defektit dhe keqmenaxhimit strukturor dhe organizativ të kësaj qeverie. Narracioni i tyre ishte i paqenë sepse nuk kemi pasur krizë çfarë na është thënë, pra është kriju narracion është bind qytetari, tërë Kosova që jemi në krizë pa qenë faktet argumentet prodhimi vendor dhe eksportet tona demantojnë narracionin e krijuar nga ZRRE-ja, ekzekutivi dhe politika e LVV-së tash e gjashtë muaj”, tha Shala.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat