“Viktimë e një skenari të shërbimeve sekrete serbe”/ Ky është reagimi i profesorit Krasniqi pas arrestimit të Ballist Morinës

Aktuale

“Viktimë e një skenari të shërbimeve sekrete serbe”/ Ky është reagimi i profesorit Krasniqi pas arrestimit të Ballist Morinës

Nga: A.SH Më: 26 maj 2022 Në ora: 00:48
Ismail Morina - Ballisti

Para ndeshjes së futbollit që u zhvillua nl Tiranë është arrestuar tifozi Ismail Morina i njohur si Ballisti.

Për këtë ka reaguar profesori Milazim Krasniqi, për cilin ka thënë nuk arrestimi i tij, nuk është rastësi.

Ballist Morina ishte arrestuar edhe në vitin 2014 pasi kishte lëshuar një dron që mbante flamurin kombëtar, dhe sipas Krasniqit ky mund të ketë qenë viktimë e një skenari të shërbimeve sekrete serbe. Mund të kenë qenë të involvuara edhe segmente shqiptare, duke shtuar edhe pyetje se, “Cili ka qenë roli i Olsi Ramës në atë mesele”?

Shkrimi në Facebook:

Pse u arrestua Ballist Morina, bash në ditën kur po luhet në Tiranë ndeshja Roma-Fejnord, e përcjellë me incidente tifozash, si ndeshja e dikurshme Serbi- Shqipëri në Beograd?! Rastësisht? Nc.

Ismail Morina (Ballisti) qenka arrestuar sot në Kukës, nga policia e Shqipërisë. Prof. Enver Bytyçi kishte një koment interesant për këtë arrestim. (Lexojeni!) Ndërsa, mua m’u kujtua që në atë kohë( 17 tetor 2014) e kam bërë një analizë dhe një kolumne (15 tetor 2014) për atë ngjarje në stadiumin e Beogradit. Sa po duket, saktësia e analizës sime po fillon të vërtetohet, pas tetë vitesh! Ballist Morina mund të ketë qenë viktimë e një skenari të shërbimeve sekrete serbe. Mund të kenë qenë të involvuara edhe segmente shqiptare, sa po fillon të shihet (Cili ka qenë roli i Olsi Ramës në atë mesele?) Miqtë e mi! E di që përtoni, e di që me vështirësi kuptoni, për ç’gjë më dhimbseni shumë! Por, nëse synoni të mos mashtroheni sa herë u duhet armiqve tanë, lexojeni këtë analizë të vitit 2014. Dhe mandej më lehtë mund t’i detektoni skenarët serb, që do të shpalosen më vonë. Dhe më e rëndësishmja, ta kuptoni se ku mund të gjeni adresat e njerëzve që dinë t’u këshillojnë e t’u mësojnë gjërat që nuk i dini. E thjeshtë, si pasuli: ata që nuk dinë për vete, nuk mund t’u mësojnë as ju.

Image
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat