Osmani: Nishani përkrahu Kosovën deri në frymën e fundit, ishe shembull i politikanit me integritet

Aktuale

Osmani: Nishani përkrahu Kosovën deri në frymën e fundit, ishe shembull i politikanit me integritet

Më: 28 maj 2022 Në ora: 16:25
Vjosa Osmani

Me rastin e vdekjes së ish-presidentit të Shqipërisë, Bujar Nishani, presidentja e vendit Vjosa Osmani ka thënë se ai ishte shembull i politikanit racional e me integritet.

Osmani ka thënë se Nishani ka përkrahur Kosovën deri në frymën e fundit.

“Presidenti Bujar Nishani ishte model i atdhetarit të pashoq, i cili përfaqësoi Shqipërinë me dinjitet të lartë dhe përkrahu Kosovën parreshtur, deri në frymën e fundit. Ai një jetë të tërë ia kushtoi Shqipërisë dhe shqiptarëve, duke qenë shembull i politikanit racional e me integritet. Në emër të qytetarëve të Republikës së Kosovës, i shpreh ngushëllime familjes Nishani si dhe miqve e bashkëpunëtorëve! Shpirti i Presidentit Nishani pushoftë në paqe!”, ka shkruar Osmani në Facebook.

Bujar Nishani ishte 58 vjeç dhe ushtroi detyrën e Presidentit të Shqipërisë nga 24 korriku i vitit 2012 deri në 24 korrik të vitit 2017.

Më herët ai kishte mbajtur poste të rëndësishme në qeveri, si ministër i Brendshëm dhe ministër i Drejtësisë. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat