Presidentja Osmani: Siguria që NATO ofron për Ballkanin Perëndimor është vendimtare

Aktuale

Presidentja Osmani: Siguria që NATO ofron për Ballkanin Perëndimor është vendimtare

Më: 29 qershor 2022 Në ora: 20:23
Vjosa Osmani

Presidentja e Kosovës, Vjosa Osmani, ka reaguar lidhur me vendimin e NATO-s për t’i ftuar Finlandën e Suedinë në aleancë.

Ajo, këtë vendim e ka quajtur vendim historik.

Përmes një postimi në rrjetin social Twitter, Osmani ka shkruar se Kosova gjithashtu synon t’i bashkohet familjes transatlantike “për të përmbushur ambicien e popullit për t’i mbrojtur liritë dhe vlerat e fituara me mund”.

“Përgjigjja e sotme e NATO-s ishte përgjigje e qartë e unitetit transatlantik ndaj kërcënimeve të Rusisë. Rikonfirmimi i Aleancës për forcimin e arkitekturës evropiane të sigurisë e mbrojtjes, si dhe përkushtimi i tyre ndaj Ballkanit Perëndimor, është vendimtar për të ardhmen tonë kolektive paqësore dhe prosperuese”, ka shkruar Osmani.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat