Salih Zyba me disa fjalë për UÇK-në, i del në mbrojtje Muratit

Aktuale

Salih Zyba me disa fjalë për UÇK-në, i del në mbrojtje Muratit

Më: 1 korrik 2022 Në ora: 00:01
Salih Zyba

Deputeti i Lëvizjes Vetëvendosje, Salih Zyba i ka dalë në mbrojtje ministrit Hekuran Murati, pas deklaratave të këtij të fundit se mercenarët do t’i kushtonin vendit më pak se veteranët e UÇK-së.

Zybanë përmes një postimi në Facebook thotë se po të ekzistonte zelli me të cilin sot po mbrohet UÇK-ja, atëherë vlera e saj nuk do të dëmtohej.

“Po të kishte ekzistuar gjithë ky zell, por i sinqertë, për ta mbrojtur UÇK-në dhe luftën e saj ndaj armiqve të jashtëm dhe keqpërdoruesve të brendshëm shumë gjëra që e kanë dëmtuar UÇK-në dhe vlerën e saj nuk do të kishin ndodhë”, shkruan ai.

Tutje ai ka shtuar se aktorët janë të njëjtë dhe sipas tij ata janë keqpërdorues në emër të UÇK-së.

“E po të kishe ekzistuar zelli, por ama i sinqertë, për të lartësuar misionin e UÇK-së shumë gjëra që e kanë dëmtuar shtetin tonë, nuk do të kishin ndodhë. Aktorët janë të njëjtë, keqpërdorues në emër të UÇK-së në të dy rastet. Dje për të marrë e mbajtur pushtetin abuziv. Sot për të bërë opozitën e lodhtë”, përfundoi ai. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat