Çun Lajçi: Dritan Abazoviq ia paska hap gropën mirë vetes, mbase Rama e paska joshë...

Aktuale

Çun Lajçi: Dritan Abazoviq ia paska hap gropën mirë vetes, mbase Rama e paska joshë...

Nga: A.ZH Më: 1 korrik 2022 Në ora: 14:19
Çun Lajçi

Kryeministri aktual i Malit të Zi, Dritan Abazoviq, ka premtuar nënshkrim të shpejtë të Marrëveshjes Themelore me Kishën Ortodokse Serbe.

Ai po përballet me reagime të ashpra për këtë vendim. I fundit që e ka kritikuar është aktori dhe shkrimtari Çun Lajçi, i cili ka thënë se me këtë vendim, Abazoviq ia ka “hapur gropën vetes”, përcjell Bota sot.

Sipas tij, ky vendim i kryeministrit të Malit të Zi, mund të jetë i ndikuar nga homologu i tij shqiptar Edi Rama, pas vizitës së tyre në Ukrainë.

Reagimi i Lajçit në Facebook:

Ky Sanqo Panqo nga Ulqini!

Shqiptari ban ç’mos me ardhë n’pushtet, por nxiton me ia ba gropën vetës, pa ia pasë kush borxh!

Kështu qenka ky trupshkurti, e mendje shkurti Abazoviq, që i afroi mishin e thonin n’Beograd. Por edhe zjarrin e barutin, se i njoh mirë do malazez, që Cetinën se shesin, pse shitet shqiptari me ba emën!

Mbase Rama e paska joshë, (derisa ishin n’Ukrainë,) me rikthye Mbretninë e Kishës serbe e fuqinë e Vuçiqit n’Cetinë!

Shqiptari, (me mujtë), e kafshon vetën n’prapa****, veç me u shkrue dikund, se Ai ishte i pari që e hangër b*thën e vet.

Ky Abazoviqi që mbeti me VIQ, kështu qysh veprueka, s’paska me iu hjekë kurrë IQI!

Tani le ti hip gomarit si Sanqo Panqo e le t’shkoi mbas Don Kishotit Ramoviq, se luftë do t’kenë me Mullijtë e erës e Ballkanin pa derë!

Ia paska hapë gropën mirë vetës!

Amin!

Tiranë,0107.2022

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat