Sherr mes ish-ambasadorit dhe ish-këshilltarit të Kurtit, shkak shamia

Aktuale

Sherr mes ish-ambasadorit dhe ish-këshilltarit të Kurtit, shkak shamia

Më: 12 gusht 2022 Në ora: 15:57
Lulzim Peci

Ish-diplomati, Lulzim Peci, ka shprehur qëndrimin e tij kundër lejimit të uniformave fetare në shkolla. Durim Berisha, ish-këshilltar i Kryeministrit Albin Kurti është prej atyre që po bën fushatë për të ndryshuar Udhëzimin Administrativ për nxënësit e shkollave të Kosovës, që ndër të tjera, ndalon uniformat fetare në shkolla.

Peci fillimisht ka shkruar se shpreson që Qeveria të mos e ndërrojë udhëzimin administrativ, pasi, sipas tij, do të ishte një gabim madhor.

Më pas, ai ka njoftuar se po linçohet dhe kërcënohet nga ata që mendojnë ndryshe.

Durim Berisha, pjesë e kampanjës për lejimin e uniformës fetare, specifikisht të shamisë te nxënëset, ka shkruar:

“Kur po e shoh që në krye të shpifjeve po janë ish-diplomatët e Kosovës, nuk po habitem pse s’ka liberalizim të vizave dhe pse ekziston një përshtypje negative për Kosovën.

Një Zot e din çka kanë shkretu këta zezana, veq mu dokeë ‘të emancipuar’ dhe ‘modern’”.

Ish-ambasadori Peci e ka marrë se Berisha e ka me të dhe e ka rishpërndarë këtë postim, duke thënë se ish-këshilltari i Kurtit po i nxit “përkrahësit e vet” ndaj tij.

Durim Berisha ishte emëruar këshilltar i Kurtit, gjatë qeverisjes së tij të parë. Lulëzim Peci ka qenë ambasador i Kosovës në Suedi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat