Refuzimi i takimit me Begajn, Shpend Ahmeti godet Abdixhikun

Aktuale

Refuzimi i takimit me Begajn, Shpend Ahmeti godet Abdixhikun

Më: 16 gusht 2022 Në ora: 16:41
Shpend Ahmeti dhe Lumir Abdixhiku

Ish-kryetari i Prishtinës, Shpend Ahmeti, e konsideron “palidhje” refuzimin e kryetarit të LDK-së, Lumir Abdixhiku për ta takuar në Kuvend presidentin e Shqipërisë, Bajram Begajn.

Ahmeti ka shkruar në Twitter se presidenti është “mbi partitë”, ndërsa tha se shkuarja e tij nëpër seli të partive do ta bllokonte qytetin.

“Presidenti i Shq. është institucion mbi partitë. Takimi i tij me kryetarët e partive në Kuvend është i drejtë dhe i barabartë. Mos të flasim për logjistikë ku shkuarja e tij nëpër seli të partive do bllokonte qytetin. Palidhje refuzim LDK!”, shkroi ai.

Kryetari i LDK-së, Lumir Abdixhiku reafuzoi takimin me presidentin e Shqipërisë, Bajram Begajn, pasi i mbeti hatri që ai nuk shkoi në selinë e partisë, por e ftoi atë të takohen në Kuvend.

Abdixhiku më herët i kishte takuar jashtë zyrës së tij kryeministrin e Shqipërisë, Edi Rama dhe presidentin e Malit të Zi, Millo Gjukanoviq.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat